ခေတ်သစ် ရည်းစားစား)

အချစ်ရယ် ဒီစာကိုရေးလိုက်လို့ ကိုယ့်ငါးချဉ် ကိုယ်ချဉ်တယ်၊ မိကျောင်းမင်း
ရေခင်းပြတယ်၊ ခရု ခါးတောင်းကျိုက်ဖမ်းတယ်လို့ မထင်စေချင်ဘူးနော်။ ကိုယ့်မှာ
မင်းကိုချစ်မိမှပဲ ခဲမှန်ဖူးတဲ့ စာသူငယ်လိုလို၊ မပိုင်ဝက်မွေးဆိုသလိုလို၊
အိတ်ပေါက်နဲ့ ဖားကောက်ဆိုသလိုလို ဖြစ်နေပါပြီ။ အခုအချိန်မှာ ၀က်ဖြစ်မှတော့
မစင်ကြောက်နေ လို့လည်း မထူးတော့ပါဘူးလေ။ မင်းအဖေကို ပြောလိုက်ပါ မြင်းကမလှုပ်
ခုံကလှုပ်၊ ယုန်ကမတိုး ပိုက်ကတိုး ဖြစ်မနေပါနဲ့လို့။ ယူမှာက မင်းကိုပါ။
ဘယ်နှယ့်သူက ကဲကဲလှုပ်နေရတာလဲလို့။ ကြက်တူရွေးက တော်တော် မယ်ဘော်က
ကဲမနေပါနဲ့လို့။

ခေတ်သစ် ရည်းစားစား)

ရင်ထဲမှာပြည့်ကျပ်နေလို့ ဒိုင်ဂျင်းတစ်ပြားလောက်စားပြီး မင်းကိုချစ်တဲ့
အကြောင်းရင်ဖွင့်ပါရစေ။ မင်းကိုယ့်အပေါ်မှာ အမြင်စောင်းနေရင် American
vision မှာပြကြည့်ပါလား.......ဟင် ......။ ဘာပဲပြောပြော
"အခုပြောမယ့်စကားတစ်ခွန်းကို လေးလေးနက်နက်
နားထောင်ပေးပါနော်။ လေးနက်မှုရှိအောင် ဆန်တစ်အိတ်ထမ်းပြီး
ရေတွင်းထဲကနားထောင်ပေးနိူင်မလား...။
မင်းကိုကိုယ်ချစ်တယ်.......လို့ပြောမယ်ကြံလိုက်တိုင်း

မင်းမျက်နှာကိုမြင်လိုက်လို့ပြောမထွက်တော့ တာလည်း
ကို့ရဲ့ဝဠ်ကြွေးတစ်ခုလို့ပဲမှတ်ယူထားပါတယ်။ တစ်ကယ်တော့အချစ်ဆိုတာ
ရယူခြင်းမှမဟုတ်ပဲမဏိစနာသီချင်းထဲကလိုပါပဲကွာ။
မင်းကိုချစ်ခဲ့တာပေးဆပ်ခြင်းသက်သက်နဲ...
သက်သက်နဲ့ ယုယုနဲ့ မင်းနဲ့ ပဲချစ်ခဲ့တာပါ။ မင်းက ကို့ ရဲ့
အိပ်မက်ထဲအထိရောက်လာတတ်လို့ အိပ်တော့မယ်ဆို
ရင်တောင်ဘုရားစာဖတ်ပြီးမှအိပ်ရဲတာလည်း မင်းမသိပါဘူးကွာ။
အခုဆိုရင်မင်းမျက်နှာလေး ကိုမြင်ယောင်မ်ိတိုင်း
နှလုံးငြိမ်ဆေးတွေသောက်နေရပြီလေ.....အရင်ကဆိုကိုယ့်နှလုံးသားတွေကြမ်းတမ်း
လွန်းလို့ကိုယ့် မှာချစ်ခြင်းမှရှိသေးရဲ့လားလို့ ပြန်မေးနေရတယ်လေ။
မင်းနဲ့တွေ့မှပဲကြမ်းတမ်းတဲ့ကိုယ့် နှလုံးသားကို စည်ပင်က
ပြန်ပြီးခင်းပေးခဲ့တာပါ။
တစ်ခါတစ်လေ ပျော်ရွင်မှုတွေကြုံလာတိုင်း မင်းကိုသတိရ
မိရင်ပျော်ရွင်ခြင်းတွေပျောက်ကွယ်သွားတတ်တာချစ်လွန်းလို့ဖြစ်မှာပါ။
မင်းရယ်သံချိုချိုလေးတွေကြောင့် နားဆေးခန်းသွားရတာလည်းနှစ်ခါရှိပြီနော်။
ကိုယ်မှတ်မိသေးတယ်.....လွတ်လပ်ရေးနေ့ကပေါ့........

ပြန်ခဲ့ပါ ...

နွေအလှတွေကို မေ့လျော့
လွမ်းတေးတွေ
တကျော့ပြီးတကျော့ သီဆိုရင့်ကျူး
ချစ်ဦးရှာဖွေ ဥသြတေလေလေးတောင်
သံစုံချစ်တေး ကဗျာဟစ်ကြွေးလို့ 
ကြင်ဖေါ်လေးနဲ့ ပြုံးပျော်ယှဉ်တွဲ
လောကကို အလှဆင် ဖြည့်စွက်နေကြပြီဘဲ ...။ ။

ရာသီတွေကုန် နှစ်ကူးသွားလည်း
မင်းလေးက
ပျံသန်းခြင်း အားကောင်းနေဆဲ
ငှက်ခါးအသည်းနဲ့  မိခရေဖြူ ...။ ။

မင်းအပျင်းပြေစေဖို့ 
ကိုယ့်ဘဝ အသဲနွမ်းကြွေခံ ဆက်သရတာ
ဝဋ်ကြမ္မာလား
ရင်မှာလွယ်ပိုးထားပါ့မယ် ချစ်သူ ...။ ။

ကိုယ့်မနက်ခင်းတွေက
ငှက်သီချင်းတွေနဲ့ သာယာနာပျော်ဖွယ်
ကိုယ့်ဘေးနား မင်းမှမရှိလေတော့
မနက်ခင်းက မှောင်
ငှက်သီချင်းတွေက သံစဉ်ကြောင်တေးသွား ...။ ။

အသစ်လို့  ပြောမဆုံးရခင်
ဟောင်းလိုက်ရတဲ့ အဖြစ်
ပြောင်းလဲချက် ရွေ့ လျှားခြင်းအောက်
မင်းလေးတယောက်
ရောက်ရာဘဝက
အတောင်ပံတွေ ရင်ဘတ်နဲ့ ထိမ်းညှိ
အသိုက်မှန်ရှိရာ ပြန်ခဲ့ပါတော့
မင်းလေးအတွက် သော့မဲ့ရင်ခွင်
ကိုယ့်ရင်ခွင်ဆီ........။

သူတို့တွေ အိပ်တန်းပြန်ကြပြီ.......
...
...
မနက်ဆို အရုဏ်တက်
အလင်းစက်ကို သောက်
လောကကို တောက်ပစေတဲ့အရာ
နေသာသတဲ့လား...?
...
ကျွတ်ကျွတ်ညံ အသံပေးလို့
ဝမ်းရေးအတွက် လှုံ့ဆော်
လာကြဟေ့ ဘောဒါတို့
ငါတို့တွေ အစာရှာထွက်မယ်...
...


ညောင်သီးကိုစားရင်း လေးသံကိုစွင့်
ခဲမှန်တာကို ကျင့်သားရလို့
ထုသားပေသားကျသူ
နွေနေပြင်းက ပူလိုက်တာ...
...
ဟိုမှာ လေနီကြမ်း ဟိုမှာ လက်သရမ်းသူ
ဟိုမှာ ဇာတ်တူရာစား ဟိုမှာ မုဆိုးများ
အားနည်းသူအတွက် လုံခြုံရာ
ဘယ်ဌာနမှာ ရှာမတွေ့ဘူး...
...
ဘာအတွက်လဲ ဘာ့ကြောင့်လဲ
ဘယ်သူတွေစီရင်ပြီး ဘယ်သူတွေပြစ်ဒဏ်ခတ်ခဲ့တာလဲ
အသိုက်ထဲက ထွက်ခဲ့တဲ့ ကျနော်
ခိုနားရာကို မျှော်တတ်လာပြီ...
...
မျက်စိလည် အတောင်ညောင်း
တောင်စောင်းမှာ နေကွယ်
အိပ်တန်းကို ပြန်မယ်ကြံကာမှ
ငါ့အသိုက်ကို ဘယ်သူက နေရာရွေ့ထားသလဲ...
...
နီးရက်နဲ့ဝေး ခရီးဆက်မယ့်အရေးမှာ
ရွှေပြည်တော်လည်း မျှော်တိုင်းဝေး
တောမြိုင်ထဲမှာ ကျားရဲဘေးကြောင့်
ထွက်ပေါက်ကို ဘယ်လိုရှာရမလဲ...
...

ပစ္စုပ္ပန်ဆိုတာမသိ အနာဂါတ်ဆိုတာမရှိ
မှီခိုရာကင်းသည့် ဘဝမှာ
ဦးတည်ရာမဲ့ ပျံသန်းရင်း
ပန်းတိုင်မရှိတဲ့ ခရီးက ကြမ်းတယ်...
...
အမေရယ်...ဘယ်မှာလဲ
အဖေရယ်...ဘယ်မှာလဲ
ပြည်တော်ပြန် ကံနည်းတဲ့ကျုပ်
ညနေဆို မိုးချုပ်မှာ ကြောက်တတ်လာခဲ့...
...
ဒီအချိန်ဆို မိသားစုနဲ့
သူတို့တွေ ပျော်နေလောက်ပြီ
ခိုနားရာ ရှားတဲ့ဘဝ
ပူတယ်အေးတယ် ရွေးမရလို့
သက်စောင့်အနွေးဓါတ်နဲ့ အန်တု
ဒုက္ခကို အဖော်ပြုရင်း
ခဏလောက် မှေးစက်ဖို့ ခွင့်ပြုကြပါ...
...
သူတို့တွေ အိပ်တန်းပြန်ကုန်ကြပြီ...
...
ကျနော်လည်း အိပ်ငိုက်လာပြီ အမေ...။ ။
.........
...
.


မိဝေးဖဝေး ချစ်သူဝေးမှာ အသိုက်ပျောက်နေကြရှာသော ငှက်ငယ်လေးများအားလုံး၏ကိုယ်စား...

တောက ကိုရင်

♥♥♥အလွမ်းဒဏ်ရာ♥♥♥

ချစ်ခြင်းနဲ့ စ လွမ်းခြင်းနဲ့ ဆုံး

စကားလုံးတွေများစွာ ငါ့ရင်မှာ

တကယ်ရှိခဲ့ပြီ.....။

ကောင်းကင်ယံက ကြယ်ကြွေတဲ့ညပေါ့

ကောင်းကင်ကြီးကိုကြည့် ပါးပြင်မှာလည်း

မျက်ရည်တခိူ့ နဲ့  ခံစားမိရတာပေါ့.....။

ကြယ်လေးတွေမှာ အဖြေရှိမယ်ဆို

အဖြေမသိသေးတဲ့ အလွမ်းသမားလေးအကြောင်း

မိုးတွေရောသိလား အချစ်ဟာဘာလဲဆိုတာ????

ဒီလိုနဲ့  ငါ့နှလုံးသားရဲ့ ဒိုင်ယာရီနေ့ တွေ

ဘ၀ရင့်ရော်နေခြင်းမှာ တိမ်လွှာမဆန်တဲ့

အချစ်ရဲ့အဆုံးသတ် အံ့သြမူ့ တွေနဲ့ 

မပြုံးတတ်တဲ့ မိုးသက်တန့် ကြီးကိုလည်း

မတမ်းတချင်တော့ဘူး.......။

တမ်းတမိတဲ့  လမင်းလေးလည်း

ငါ့နားမရှိလေတော့........

အားငယ်သူမှာ ဖေးကူသူမရှိလို့ 

သင်မှာသာစွမ်းအားရှိမယ်ဆို

ငါလေ တောင်းဆုတခုပြုချင်တယ်.....။

အချစ်ကြောင့်ရေးတိုင်း သတ်င်္ပုမှားတဲ့ငါ့ကို

အဖော်မွန်စစ်နဲ့ တွေ့ ခွင့်ပေးပါ

ကြယ်လေးရယ်.........။

မင်းမသိတဲ့ ငါ့အချစ် ...

ခဏတာအပျော် မဟုတ်...
ဘ၀မှာရည်စူးပြီး ချစ်ခဲ့တယ်...

ရစ်ပတ်တဲ့ သံယောဇဉ်....တပ်ဆင်တဲ့   ငါ့ရဲ့ မေတ္တာ...
နင်ထင်သလို အပေါစားမဟုတ်ခဲ့ဘူး.....

နင့်အမြင်မှာတော့.....
သံယောဇဉ် ကင်းတဲ့ ခပ်တင်းတင်း မျက်နှာနဲ့ ....
ခံစားချက် ကိုပိတ်လှောင်...
နှလုံးသားကို....အမှောင်ချထားသူပေါ့....

နင်ကြည့်တတ်မယ်ဆိုရင်...
နင်မြင်နိုင်မှာပါ.............
ငါ့ရင်ထဲမှာ နင့်ကိုအသည်းနင့်အောင်ချစ်တယ် ဆိုတာကိုလေ ...။     .။


                                                                                     ခိုင်ဖြိုးဇင်

အသိကိုခံစားဖြစ်တည်မှု ...

အရှိအတိုင်းပြောပြခွင့် အချိန်ရှိသော်လည်း
      လုံ့လနည်းတဲ့ ငါ့နှုတ်ကြောင့်ငါ ...
အမှန်အတိုင်းရှင်းပြခွင့် ရှိခဲ့ပေမဲ့လည်း
       ရှင်းပြဖို့မလိုတဲ့ ငါ့လုပ်ရပ်ကြောင့်  ငါ ...
     အသိအတိုင်းငါ့ရင်မှာ ရှိနေသော်ငြား
        အမှန်အတိုင်း ရပ်တည်နေချိန်မှာ ...
         (အရှိအတိုင်း ရှိမနေတော့ဘူး)
      မှောင်သောတဘက်မှာခိုလှုံရင်း
   အလင်းရဲ့တန်ဖိုးကိုခံစားကြည့်တယ်
   အမှောင်ဘက်ကို နင်  နားလည်မယ်ဆို
ငါသည်လည်းဘဲ (အရှိအတိုင်း ရှိမနေပါဘူး )  
အသိကို ခံစား ပြီး ဖြစ်တည်နေမဲ့  ဘဝတစ်ခုရယ်ပါ ။    ။
                                            

                                                                            ခွန်ခမ်းစံ

မမြဲခြင်းတရားကိုသိရဲ့သားနဲ့
အသင်လူသားရယ်
ဘာကြောင့်အတ္တတွေကို တောင်လိုပုံ
အပိုတွေလုပ်မနေပါနဲ့ကွာ ...။     ။

 ငါတို့သေရင်အမည်ပဲကျန်ခဲ့မယ်
ဘယ်လိုအမည်ကိုယူမလဲ
ကိုယ့်နဲ့ဆိုင်တဲ့အမည်တော့ရမယ်
မပူပါနဲ့လူကလူကိုဆုံးဖြတ်ပေးလိမ့် မယ်  ..။     ။

 

လူငယ်ဘဝတော့လူတိုင်းမှာရှိတယ် ...
ငါလည်ရှိခဲ့ဖူးတယ်
အခုထိရူးမနေနဲ့တော့
ငါတို့ပတ်ဝန်းကျင်လှပဖို့
ငါတို့ခံစားချက်ကို သိက္ခာနဲ့ထိန်းကြပါစို့ ...။     ။
 

 

 

     *** လွမ်းနေမင်း ***

အရမ်းကိုထိတဲ့ ကဗျာလေးပါ ...း)

ဗေဒင်ဆရာတစ်ယောက်ကို
လိမ်လည်မှုနဲ့ တရားစွဲလို့ ရပါ့မလား။

ထီလက်မှတ်တစ်စောင်ဟာ
မပေါက်ရင် ပြန်လျော်ပါ့မယ်လို့
အာမခံချက် ရှိလို့လား။

စိတ်ကူးတွေကို
ဆင်ဆာဖြတ်ရင်
သင့်တော်ပါ့မလား။

မျှော်လင့်ချက်တွေကို
ယုတ္တိမရှိဘူးလို့ ဝေဖန်ရင်
တရားမျှတပါ့မလား။

ကျွန်တော့် နှလုံးသားဟာ
ဗေဒင်ဟောစာတမ်းလဲ မဟုတ်
ထီပေါက်စဉ်လဲ မဟုတ်
ကြော်ငြာသင်ပုန်းလဲ မဟုတ်
အိပ်မက်ပေါင်းချုပ်
စာတစ်အုပ်မျှသာ ဖြစ်ပါတယ်။

မင်းလူ

အချစ်နဲ့ ပတ်သတ်တဲ့ အချက် (၅) ချက်

၁ ။ သူမရဲ့ မျက်ဝန်းတွေကြောင့် (သို့မဟုတ် ) 

သူမရဲ့ နှုတ်ခမ်းတွေကြောင့် (သို့မဟုတ်) 

သူမရဲ့ ခန္ဓာကိုယ်အလှကြောင့် ချစ်တာဆိုရင်

*- အဲဒါအချစ်မဟုတ်ပါဘူး ။ တပ်မက်မှု တဏှာသာလျှင်ဖြစ်လိမ့်မယ် ။

 

သူ့ကိုစောင့်နေတယ် ...

လူတစ်ယောက်ကို ငါစောင့်နေတယ်....

ငါ့ဘဝထဲဝင်လာပြီး
ငါ့ရဲ့ပျော်ရွှင်ချမ်းမြေ့မှု၊ ဝမ်းနည်းနာကျင်မှုတွေကို
အတူမျှဝေခံစားပေးနိုင်တဲ့လူတစ်ယောက်ကို ငါစောင့်နေတယ်။

အချိန်အကြာကြီး ငါ့စောင့်နေခဲ့လို့
စောင့်ရကျိုးနပ်အောင်
ငါ့ကိုပိုတန်ဖိုးထားတဲ့လူတစ်ယောက်ကို ငါစောင့်နေတယ်။

ကုန်ဆုံးသွားတဲ့အချိန်တွေမှာ ငါ့အနားမရှိနိုင်ပေမယ့်
ငါ့ရဲ့မနက်ဖြန်တိုင်းအတွက် ငါ့လက်ကိုတွဲပြီး
အတူလျှောက်လှမ်းမယ့်လူတစ်ယောက်ကို ငါစောင့်နေတယ်။

ငါဟာပြီးပြည့်စုံသူတစ်ယောက်မဟုတ်မှန်း သိရက်နဲ့ ငါ့ကိုနှစ်သက်ပြီး
ငါ့ရဲ့ချွတ်ယွင်းချက်တွေကိုပါ နားလည်းပေးတတ်တဲ့လူတစ်ယောက်ကို
ငါ စောင့် နေ တယ်....

ကျုပ်တို့နိုင်ငံ ကျုပ်တို့ပြန်မလာရင် ကျုပ်တို့ကိုပြော ...

(တချို့တွေက တွေးတယ် … 
အရိုင်းစကားမပြောစမ်းနဲ့
တိုင်းတပါးမှာ မင်း ရှင်ဘုရင်မဖြစ်နိုင်ဘူး … တဲ့)
ခင်ဗျားတို့ကဗျာ ခပ်ကောင်းကောင်း
ခင်ဗျားတို့အတွေး ခပ်ကောင်းကောင်း
ဒါပေမဲ့
လွဲနေတဲ့အတွေးလွဲ
ကျုပ်တို့တိုင်းတပါး
ထွက်ခဲ့ရတဲ့အကြောင်းရင်းက
ရှင်ဘုရင်ဖြစ် မင်းလုပ်ဖို့မဟုတ်ဘူး …။

ကိုယ့်နိုင်ငံကိုယ့်လူမျိုးစင်စစ်
ဘုရင်ရူးရူးနေတဲ့
အာဏာရှင်ရူးတွေကြောင့်
ပျက်သုန်းခဲ့ရတဲ့ဘဝတွေ
ကြမ်းတမ်းခဲ့ရတဲ့ဘဝတွေ
မျှော်လင့်ချက်မဲ့ခဲ့ရတဲ့ဘဝတွေ
တစ်နေကုန် ကြုံးရုန်းလုပ်
ဆန်အိုးထဲ ဆန်မရှိတဲ့ဘဝတွေ
ရင်နာနာနဲ့
ကျုပ်တို့ချစ်တဲ့တိုင်းပြည်
ကျုပ်တို့ချစ်တဲ့လူမျိုး
စွန့်ခွာခဲ့ရ …။

ရောက်ရာအရပ်ရောက်ရာနေရာ
ကျရာအလုပ်ကျရာတာဝန်
ရိုးသားစွာရှာဖွေ
ရသမျှအသပြာငွေဖြူကို
မြန်မာငွေမည်းနဲ့ လဲလှယ်လို့
အမေ့ရဲ့ဆန်အိုးထဲဆန်ရှိဖို့
အဖေ့ရဲ့ကျန်းမာရေးဆေးဝယ်ဖို့
တစ်နေကုန်ကြုံးရုန်းလုပ်
ပေးပို့နေရတဲ့ဘဝ
ဒါတရားတဲ့အလုပ်ပါ။

တိုင်းတပါးမှာ
ကျုပ်တို့ ရှင်ဘုရင်မဖြစ်နိုင်ပေမဲ့
ကျုပ်တို့မြေ ကျုပ်တို့ရေ မဟုတ်ပေမဲ့
တရားဥပဒေဟာ ကျုပ်တို့အောက်မှာရှိတယ်
ကျုပ်ဘိုးဘွားအိမ် ကျုပ်တစ်ညပြန်အိပ်ဖို့
ဧည့်စာရင်းတိုင်စရာမလိုဘူး
ဘာညာသာဓကာတွေအတွက်
အန်းဒါတေဘယ်ပေးစရာမလိုဘူး
ညအိပ် ညနေ ဘယ်သွားသွားလာလာ
ယူနီဖောင်းဝတ်ခေတ်သစ်ဓမြ
ကြောက်စရာမလိုဘူး။

ဒီလိုမလိုခြင်းတရားတွေ
ပြီးပြည့်စုံတဲ့တစ်နေ့
ကျုပ်တို့ရဲ့အမိမြေ
သယံဇာတတွေကုန်ကုန်
တောင်တွေဂတုံးဘဲဖြစ်ဖြစ်
မြစ်ကြီးတွေ ချောင်းငယ်ဖြစ်သွားသွား
ဆူနာမီနာဂစ်မြေငလျှင်တွေလှုပ်လှုပ်
နေပူတာခြေပူခံနိုင်တယ်
အာဏာရှင်ပူတာ ရင်ပူမခံနိုင်ဘူး

တစ်နေ့လုပ်စာ တစ်နေ့စားလို့ဝရင်
ကျုပ်တို့နိုင်ငံ
ကျုပ်တို့ပြန်မလာရင်
ကျုပ်တို့ကိုပြော။                                                                                                                                                                                                                                                                                                                                                                                                                                                                                                                                    နိုင်ဦးညို 

(ဖိုးဇီးရိုး)
         ဧပြီ ၄၊ ၂၀၁၂