မာန

ဘာတဲ့လဲ ချစ်သူ

ဘဝဆိုတာ စိတ်ကူးယဉ်လို့မရဘူးတဲ့လား

သွားစမ်းပါဟာ...

ဂစ်တာတစ်လက်၊ကော်ဖီတစ်ခွက်နဲ့

အင်တာနက်သာရှိနေရင် ငါ့ဘဝကို ငါကျေနပ်တယ်

မင်းမနှစ်သက်တဲ့ စရိုက်အမူနဲ့ အပိုလူငါ့ရဲ့

ဘယ်သူမှကြိုမသိတဲ့ မနက်ဖြန်တွေက

ငါ့ရဲ့ ရိုးသားစွာ ကြိုးစားမှုနဲ့

သူ့အလိုလိုလှလာလိမ့်မယ်..။။။

မင်းယုံကြည်တဲ့ အနာဂတ်နဲ့

ငါဖြတ်သန်းမယ့် မနက်ဖြန်တွေက

ယှဉ်မရအောင်ကွာလွန်းတယ်ချစ်သူ

အလိုတူဖို့ မသိမ်းသွင်းနဲ့

သိမ်ဖျင်းတဲ့ မင်းရည်မှန်းချက်တွေအတွက်

ငါကပါရမီဖြည့်ဖက်မဟုတ်ဘူး။။။

ခြံတွေ၊တိုက်တွေကို မကြိုက်ဘူး

ကားစီးပြီး နားငြီးနေရမယ့်ဘဝကို မနှစ်သက်ဘူး

မင်းနှစ်သက်တဲ့ ဒေါ်လာတွေမှာ

ငါ့စိတ်ကမသာယာဘူး

မမြူဆွယ်စမ်းပါနဲ့ ငါလျောက်မယ့်လမ်းမှာ

ဖြတ်လမ်းလိုလမ်းတိုတွေ မပါဘူး

ဦးညွတ်ထားတဲ့ ငါ့သိက္ခာနဲ့ကိုယ်ကျင့်တရားက

ငါ့ဘဝကို အကဲဖြတ်သွားလိမ့်မယ်

နင်မယုံကြည်ရင် နေခဲ့လိုက်ပါ

နင်လိုချင်တဲ့ အနာဂတ်မျိုးအတွက်တော့

ငါ့ကိုယ်ကျင့်တရားကို ဆေးခပ်မခံနိုင်ဘူး။။။

မင်းသိရဲ့လားချစ်သူ

မိန်းမတွေ မှိုလိုပေါပေမယ့်

တစ်ချို့မှိုတွေက အဆိပ်သင့်စေတယ်

မင်းလိုအဆိပ်သင့်စေတဲ့ မှိုတစ်ပွင့်ကိုမှ

ရင်ဖွင့်ပြီး ချစ်ခဲ့ဖူးတဲ့ငါ

မှိုတောက်တာ မထူးဆန်းဘူး

နေ့နဲ့ညတိုင်းမှာ ယစ်မူးနစ်မြုပ်

မင်းလုပ်သမျှ အရှုပ်ထုပ်တွေကြား

အရုပ်တစ်ရုပ်လို ကစားခံခဲ့ရဖူးတယ်။။။

အလိုရမ္မက်တွေ စီးနင်းထားတဲ့မင်းဆန္ဒတွေကို

ငါ့စိတ်က အလိုလိုကြောက်ခဲ့ပြီ

ဖောက်ပြားတဲ့ယဉ်ကျေးမှုတွေနဲ့

မင်းလိုချင်တဲ့ အနာဂတ်ကမ္ဘာမှာ

ငါလိုချင်တဲ့ အေးချမ်းမှုတွေ ရှာလို့မတွေ့ဘူး

အောင်မြင်မှုကို ဆာလောင်နေတဲ့

မင်းရဲ့ အတ္တအပူတွေထဲမှာ

ငါ့ကိုယ်ကျင့်တရားတွေကိုပါ အရည်ဖျော်ဖို့

ကြိုးစားလာမှတော့

မင်းနေပျော်တဲ့ အနောက်ကမ္ဘာမှာ

မင်းစိတ်ကြိုက်သာ နေခဲ့ပါတော့

ခွင့်လွတ်ပါ ဟန်နီ

မင်းတွက်ချက်ထားသလို ငါ့စိတ်ဓာတ်တွေက

အောင်မြင်မှုကို မငတ်မွတ်ဘူး။။။

မင်းအမြင်အတွေးနဲ့ မင်းစကားတွေအရ

ငါက(၂၀)ရာစုလက်ကျန်ယောက်ျား

ခေတ်ရဲ့နောက်နားမှာ အေးအေးလေးနေနေပါရစေ

မင်းရဲ့ယုံကြည်မှုအတွက်တော့ ငါ့ခံယူချက်ကိုမပြောင်းဘူး

ကိုယ်ကျင့်တရားကို အလဲထိုးပြီးမှ

မင်းအနားကို တိုးလာရမယ်ဆိုရင်

ငါဘယ်တော့မှ မလာဘူး။။။

အောင်မြင်မှုကို ဆာလောင်သူနဲ့

ကိုယ်ကျင့်တရားကို တန်ဖိုးထားသူရဲ့

မာနပြိုင်တဲ့ပွဲမှာ ဒိုင်မလိုပါဘူး

ဒီနေ့ကစပြီး မဆိုင်သူလိုနေတော့မယ်

မင်းတည်ဆောက်မယ့် အနာဂတ်မှာ

မင်းရဲ့နေ့ရက်တွေ သာယာပါစေ

မင်းမပါလာတော့တာကလွဲလို့

ငွေမချမ်းသာပေမယ့် စိတ်ချမ်းသာတဲ့ငါ့ကမ္ဘာအတွက်

ငါကျေနပ်တယ်ဆိုတာ

မင်းအမှတ်တမဲ့သတိရတိုင်း အသိအမှတ်ပြုပေးပါ။။။

ဘာတဲ့လဲ ချစ်သူ

ဘဝဆိုတာ စိတ်ကူးယဉ်လို့မရဘူးတဲ့လား

သွားစမ်းပါကွယ်..

ဂစ်တာတစ်လက်၊ကော်ဖီတစ်ခွက်နဲ့

အင်တာနက်သာရှိနေရင် ငါ့ဘဝကို ငါကျေနပ်တယ်

မင်းမနှစ်သက်တဲ့ စရိုက်အမူနဲ့ အပိုလူငါ့ရဲ့

ဘယ်သူမှကြိုမသိတဲ့ မနက်ဖြန်တွေက

ငါ့ရဲ့ ရိုးသားစွာ ကြိုးစားမှုနဲ့

သူ့အလိုလိုလှလာလိမ့်မယ်..။။။

ဥယျာဉ်မူုး

ပျိုးခဲ့တာဟာ ဥယျာဉ်မှူုး တစ်ယောက်ပေါ့

 ဒါပေမဲ့---

ပန်းတစ်ပွင့်ရဲ့အလှပဟာ

 ပန်းပန်သူနဲ့ပဲသက်ဆိုင်ခဲ့တယ်

လောကရဲ့နိယာမတဲ့

 မလွန်ဆန်ရဲပါဘူး

နာကြည်းခြင်းတွေလဲ

 မထားခဲ့ပါဘူး

အမုန်းဆိုတာတောင်မသိခဲ့တဲ့သူပါ

 နာကြင်ခြင်းတွေသာရင်မှာပိုက်လိုိ့

ပြုံးပြခဲ့တဲ့သူမို့ ကာ၇ံမဲ့ဘ၀ဟာ

 အထီးကျန်မှုတွေနဲ့ ရင့်ကျက်ခဲ့ပါပြီ

 ဟောဒီ.. ပန်းပျိုးတဲ့လက်တစ်စုံရဲ့

ချွေးမြေခခဲ့ရတဲ့နေတွေ...

ဥယျာဉ်မှုးတစ်ယောက်ရဲ့ခံစားချက်တွေ

ဘယ်သူတွေကရော

ခုချိန်ထိနားလည်ခဲ့ဘူးလို့လဲ။။ 

ငါ့ရဲ့အတ္တ (သို့) ခံယူချက်

တိတ်တဆိတ်နှင့် ........မက်ခဲ့ရသော
အိမ်မက်အပိုင်းအစများကို
တစ်ချို့တွေက.........လှောင်ြေ

ပာင်ရင်း
ကြောင်တယ်လို့ပြောတတ်ကြသလို
တစ်ချို့တွေက..........သူ့ရဲ့အချစ်က
ပိုင်ဆိုင်လိုစိတ် ကင်းလိုက်တာတဲ့ ....။
လူတွေဘယ်လိုပဲပြောကြပါစေ......
ငါပြန်ရှင်းဖို့စိတ်ကူးမရှိခဲ့ပါဘူး
ငါစွန့်လွှတ်ခဲ့တာတယ်ဆိုတာကလည်း
လူတွေရဲ့ချီးကျူးမှုတွေ...
ဒါမှမဟုတ်....ကဲ့ရဲ့မှုတွေကိုအတွက်မှ
ငါမရည်ရွယ်ခဲ့တာ.......။
ငါစိတ်ကူးခဲ့သမျှ........
ငါလုပ်ဆောင်ခဲ့သမျှ...
အရာအားလုံးဟာ..........
နင်ပျော်ရွှင်ရုံ ၊ကျေနပ်ရုံပဲ
ငါမျှော်လင့်ခဲ့တာဆိုတာ...
ငါ့ကိုငါ သိသလို
ငါလိပ်ပြာလည်းငါလုံခဲ့တယ်လေ...
ဒါကိုမှ......နင်က
ပတ်ဝန်းကျင်ရဲ့ပြောစကားတွေကို
နားယောင်နေခဲ့မယ်ဆိုရင်တော့
နင်မချစ်နိုင်တဲ့....ငါ က
နင်မကြားချင်တဲ့ ငါ့ရဲ့ချစ်စကားတွေနှင့်
နင်ငါ့ကိုမပေးနိုင်တဲ့ နင့်အချစ်ကို
ဆက်ပြီးတောင်းဆိုပေးနေရဦးမှာလားဟာ....။
တကယ်ဆိုရင်....ငါဟာ
ကိုယ့်ချစ်သူကို...ချစ်တဲ့အကြောင်းတွေ
ပြောနေရရုံနဲ့ ...ကျေနပ်တတ်တဲ့
လူတစ်ယောက်မဟုတ်သလို
ကိုယ်ချစ်သူစိတ်ညစ်စေမယ့်
အရာအားလုံးကို ....
ကိုယ်တိုင်ပြုလုပ်တတ်သူ...
မဟုတ်ခဲ့တာကြောင့်
ဒီလိုသာ..ဆက်ပြီး
တောင်းဆိုရမယ်ဆိုရင်တော့
နင်ဟာငါ့အပေါ်မှာ ....
သိပ်ရက်စက်လွန်းရာကျမနေဘူးလားဟာ ။

မီးပြတိုက်

ငါရောက်ရှိနေတဲ့ ထောင့်တိုင်းအတွက်
barring မလိုအပ်ဘူး
compss လည်းမပါလာခဲ့ဘူး
ဘာပဲဖြစ်ဖြစ်
ငါရောက်ရှိနေတဲ့နေရာဟာ
ငါ့နေရာပါပဲ....။
ဓူဝံရှိရာမြောက်စူးစူး
အရပ်ကိုမှန်းပြီး
အိမ်အပြန်လမ်းကို
ငါမှန်းပြီး
ခရီးဆက်ခဲ့မယ်...။
အပြောကျယ်တာထက်
ငါ့သမုဒ္ဒရာကပိုနက်ရှိုင်းမြင့်မားနေတယ်
ခေါ်သံတွေကို ငါမစောင့်ခဲ့ဘူး....။
မဏိမေခလာလည်း လာမကယ်နဲ့
မဟာဇနထုံးတော့ ငါလည်းနှလုံးမူထားတာပဲ
ငါးလိပ်မကန်းတို့အစာဟာ ငါမဖြစ်စေရဘူး
ဘုရားအလောင်းတော့ ငါမဟုတ်သေးပါ...။

အတိတ်ရဲ့ အရိပ်

သတိရတယ် အတိတ်နဲ့ နင်...

အရူးမူးချစ်ခဲ့ကြတယ်

နှလုံးသားနဲ့ မခံစားဘဲ

ဦးနှောက်ကိုဦးစားပေးခဲ့တဲ့ငါ့ကို

ခုချိန်မှာ မေ့လို့နေမလား

အဖြစ်ပျက်တွေက မြန်လွန်းတယ်

မနေ့တစ်နေ့ကမှ ငါ့အနားနင်ရှိသေးတယ်

ရောက်လေရာနေရာတိုင်းမှာ

တွေးမိတဲ့အတွေးတိုင်း

ဆိုမိတဲ့သီချင်းတိုင်း

နင့်အငွေ့အသက်တွေရှိနေတတ်လွန်းလို့
နင့်အငွေ့အသက်မပါဘဲ

တခဏလောက်

အသက်ဝဝရှူချင်လာမိတယ်...

တစ်မိနစ်

နှစ်မိနစ်

သုံးမိနစ်

ဟာ ...

ငါ့အသက်ရှူသံတွေ ရပ်တန့်သာသွားတယ်

နင့်အငွေ့အသက်မပါပဲ

ငါအသက်ရှူလို့ မရဘူးဆိုတာသိလိုက်ရတော့

ငါမငိုဘူး မျက်ရည်တော့ကျဖြစ်တယ်။

Wake Up!

My friends from on the blog,
The new year is coming,
We must clean our dirtiness
with Thingyan water.
Forget your mistakes from your past.
Friend!
Close your sorrowful songs,
We must try to get our
victory celebration with new
mind, body and life in the new year.
So, wake up!
from your old dream.

အိပ်မက်

 မြစန္ဒာ လမင်းကြီးကိုငေးမောရင်း
ထွေရာလေးပါး စဉ်းစားလို့

Add caption

နှစ်ဦးသား နီးဖို့ အဖြေရှာ
ဒါပေမယ့်...
အိပ်ရာထက်မှာပဲ မှေးစက်လို့ ပျော်ခဲ့။
ဟင်... ချစ်ဦးသူ အပါးရောက်လာ
မဝနိုင်သော ချစ်ခြင်းများနဲ့
ယုယစွာ ကျီစယ်နေတုတုန်း
မှောင်ရီကွယ် နေခြည်တိုးလို့
နိုးလေမှ သိလာတယ်...
သြော်... အိမ်မက် တစ်ခုပါလားလေ။

အလွမ်းကြောက်သူ..!

အသိစိတ်က ရိုးသားချင်ပေမယ့်

မသိစိတ်က တောင်းဆိုနေတယ် သူငယ်ချင်းလေးရယ်...

ကျေးဇူးပြု၍ ...

ငါ့အချစ်ကို ဥပေက္ခာမပြု လိုက်ပါနဲ့

မင်းသာ အနားမှာ မရှိရင်

ငါ့ဘဝက ကာရံမဲ့ ကဗျာလို

လှပနိုင်မှာ မဟုတ်လို့ပါ

ပြီးတော့...ငါ မလွမ်းရဲလို့ပါ ။